უნგრეთის პრემიერ-მინისტრმა ვიქტორ ორბანმა განაცხადა, რომ 2008 წელს შესაძლებელი იყო უკრაინისა და საქართველოს მიღება ევროკავშირსა და ნატო-ში, მაგრამ ეს შანსი ხელიდან გაუშვეს.
მისივე თქმით, რუსეთი ამას შემდეგ გაძლიერდა და ასეთი პროცესების განვითარებას აღარ დაუშვებს.
„ჩვენ ვერ შევძელით უკრაინასა და საქართველოსთან გაწევრიანების მოლაპარაკებები წარმატებით დასრულება, რითაც დავკარგეთ უკრაინის, როგორც ევროკავშირისა და ნატო-ს მომავალი წევრის პერსპექტივა“. - განაცხადა ორბანმა.
ამასთან, მისივე განცხადებით, უკრაინა უნდა დარჩეს „ბუფერულ ზონად“ რუსეთსა და დასავლეთს შორის, რომელიც უზრუნველყოფს უსაფრთხოების გარკვეულ გარანტიებს, მაგრამ არ გახდება ევროკავშირის ან ნატო-ს წევრი.
„მოგწონთ თუ არა, უკრაინელებს მოეწონებათ თუ არა, უკრაინა არის რუკაზე - იქ, სად არის. საუკეთესო პერსპექტივაა ის იყოს ბუფერული ზონა რუსეთსა და დასავლეთს შორის - რა თქმა უნდა, უსაფრთხოების გარანტიებით. თუ ეს არ დაეხმარება, უკრაინა დაკარგავს ტერიტორიებს.
რუსეთი ისევ და ისევ გაანადგურებს უკრაინას. რუსეთი არასდროს შეეგუება მის საზღვრებზე ევროკავშირისა და ნატო-ს ისეთი წევრის გამოჩენას, როგორიც უკრაინაა“,- აღნიშნა ორბანმა.
