12 თებერვლის ღამეს ისრაელელმა სამხედროებმა ღაზის სექტორში ქალაქ რაფაჰში სპეცოპერაციის დროს ორი მძევალი გადაარჩინეს. ინფორმაციას ისრაელის თავდაცვის ძალები ავრცელებს.
„რაფაჰში, ღამით, ისრაელის თავდაცვის ძალებისა და ისრაელის პოლიციის ერთობლივი ოპერაციის დროს გადაარჩინეს 7 ოქტომბერს ტერორისტული ორგანიზაცია ჰამასის მიერ გატაცებული ორი ისრაელელი მძევალი ფერნანდო სიმონ მარმანი (60 წლის) და ლუის ჰარა (70 წლის)," - ნათქვამია განცხადებაში.
ისრაელელი სამხედროების თქმით, გადარჩენილების მდგომარეობა დამაკმაყოფილებელია და მათ შემდგომი გამოკვლევა საავადმყოფოში ჩაუტარდებათ.