ფინეთის საპრეზიდენტო არჩევნების მეორე ტურში ყოფილი პრემიერ-მინისტრი, მემარჯვენე-ცენტრისტული "კოალიციური პარტიის" კანდიდატი ალექსანდრე სტუბი ლიდერობს.
ადგილობრივი მედიის ინფორმაციით, სტუბმა უკვე გამოაცხადა გამარჯვება სატელევიზიო ეთერში.
ფინეთის იუსტიციის სამინისტროს ინფორმაციით, ამ დროისთვის დათვლილია ხმების 58.3%. ალექსანდრ სტუბი 52.7%-ით ლიდერობს.
ალექსანდრ სტუბის კონკრენტმა, საგარეო საქმეთა ყოფილმა მინისტრმა, ლიბერალმა პეკა ჰაავისტომ ხმათა 47.3% მიიღო.
მეორე ტურში აქტივობამ, წინასწარი მონაცემებით, 67.7% შეადგინა.
იუსტიციის სამინისტრო ხმების დათვლას 14 თებერვლამდე დაასრულებს, საბოლოო შედეგებს კი 15 თებერვალს პარლამენტი პლენარულ სხდომაზე გამოაცხადებს.
საპრეზიდენტო არჩევნების პირველი ტური 28 იანვარს გაიმართა. სტუბმა მიიღო ხმების 27,2 პროცენტი, ჰაავისტომ კი - 25,8 პროცენტი.
ფინეთის რესპუბლიკის პრეზიდენტს ექვსი წლის ვადით ირჩევენ. მას არ შეუძლია თანამდებობის დაკავება ზედიზედ ორ ვადაზე მეტი ხნის განმავლობაში. სახელმწიფოს ამჟამინდელი მეთაური საული ნიინისტო 2012 და 2018 წლებში აირჩიეს.
