უკრაინაში შინაგან საქმეთა ექსმინისტრი იური ლუცენკო დააკავეს. იური ლუცენკო უშიშროების სამსახურის სპეცდანაყოფმა "ალფამ" სახლთან დააკავა.
ექსმინისტრი კიევში, სტარონავოდისკის ქუჩაზე, დააკავეს.
ლუცენკო მაშინ დააკავეს, როდესაც იგი ძაღლს ასეირნებდა. მას სპეცრაზმელებმა მიკროავტობუსში ჩაჯდომა მოსთხოვეს და გაურკვეველი მიმართულებით წაიყვანეს, იტყობინება "ეროვნული თავდაცვის" პრესსამსახური.
შეგახსენებთ, რომ უკრაინის გენერალური პროკურატურის ინფორმაციით, ექსმინისტრს ბრალი ედება თანხების არამიზნობრივად განკარგვაში, საუბარია 360 ათას გრივნზე (45 ათასი აშშ დოლარი).
ლუცენკოს მიმართ ასევე აღძრულია სისხლის სამართლის საქმე, რომელიც ეხება სუცენკოს მიერ სამსახურში საკუთარი მძღოლის აყვანას და მისთვის წოდების მინიჭებას.
