უკრაინის პრეზიდენტმა ვოლოდიმირ ზელენსკიმ აშშ-ის პირველი ლედი მელანია ტრამპი პრინცესა ოლღას I ხარისხის ორდენით დააჯილდოვა.
ამის შესახებ ნათქვამია შესაბამის განკარგულებაში, რომელიც უკრაინის პრეზიდენტის ოფიციალურ ვებგვერდზე გამოქვეყნდა.
დოკუმენტის თანახმად, მელანია ტრამპს ჯილდო უკრაინის ჰუმანიტარულ მხარდაჭერაში შეტანილი მნიშვნელოვანი პირადი წვლილისთვის, ასევე აქტიური უფლებადამცველობითი და საქველმოქმედო საქმიანობისთვის გადაეცა.
განკარგულებაში აღნიშნულია, რომ მისი საქმიანობა მიმართული იყო უკრაინელი ბავშვების გადარჩენისა და რუსეთის აგრესიის შედეგად დაზარალებული, ასევე რუსეთის მიერ უკრაინის დროებით ოკუპირებული ტერიტორიებიდან უკანონოდ დეპორტირებული და იძულებით გადაადგილებული მოქალაქეების დახმარებისკენ.
შეგახსენებთ, აშშ-ის პირველი ლედის, მელანია ტრამპის შუამავლობით, ხერსონის ოლქის დროებით ოკუპირებულ ქალაქ ოლეშკში ჰუმანიტარული მისია განხორციელდა, რის შედეგადაც ქალაქიდან ასობით ადამიანის გაყვანა მოხეხრდა.
