უკრაინის საჰაერო ძალებმა მარიუპოლის მიმართულებით სუ-34-ის ტიპის რუსული ბომბდამშენი ჩამოაგდეს.
უკრაინელი დამცველების მიერ წარმატებულად შესრულებული სამუშაოს შესახებ ინფორმაციას უკრაინის საჰაერო ძალების მეთაური მიკოლა ოლეშჩუკი ავრცელებს. ‘რუსული „ჩიტი“ საზენიტო-სარაკეტო სისტემამ გაანადგურა“, - თქვა მან.
ამასთან, ინფორმაცია ზუსტდება კიდვ ერთი რუსული თვითმფრინავის განადგურების შესახებ ოდესის მიმართულებით.
„ოდესის მიმართულებით შავ ზღვაში რუსულ სუ-30-ის წინააღმდეგ საბრძოლო მოქმედებები მიმდინარეობდა - ჩვენ ვსწავლობთ ობიექტურ საკონტროლო მასალებს, რათა დანამდვილებით ვიცოდეთ, მოხვდა თუ არა სამიზნეს“, - აღნიშნა ოლეშჩუკმა.
ამასთან, 23 დეკემბერს გავრცელდა ინფორმაცია, სამი რუსული სუ-34-ის ტიპის ბომბდამსენის ჩამოგდების შესახებ.
უკრაინის პრეზიდენტმა ვოლოდიმირ ზელენსკიმ ვიდეომიმართვისას, განაცხადა, რომ თვითმფრინავები ხერსონის რეგიონში ჩამოაგდეს.
