გაერო-ს პალესტინელ ლტოლვილთა დახმარების სააგენტოს ხელმძღვანელმა ფილიპ ლაზარინიმ კატარში, დოჰას ფორუმზე სიტყვით გამოსვლისას ისრაელს მოუწოდა ცეცხლის დაუყოვნებლივ შეწყვეტისკენ და განაცხადა, რომ ეს სასიცოცხლოდ მნიშვნელოვანია, რათა ღაზაში დასრულდეს „ჯოჯოხეთი დედამიწაზე“. მისი თქმით, პალესტინელ ლტოლვილთა დახმარების გაეროს სააგენტო კატასტროფის წინაშე იმყოფება.
„პალესტინელების დეჰუმანიზაციამ საშუალება მისცა საერთაშორისო საზოგადოებას შეეგუოს ღაზაში მიმდინარე ისრაელის თავდასხმებს. ნებისმიერი აღწერით, ეს ნამდვილად ყველაზე ცუდი სიტუაციაა, რაც კი ოდესმე მინახავს“, - თქვა ლაზარინიმ.
