24 დეკემბერს 15 საათზე საქართველოს პარლამენტის ეროვნული ბიბლიოთეკის საკონფერენციო დარბაზში პროექტის - "გზა მარგინალიზაციიდან ინტეგრაციისაკენ" - პრეზენტაცია გაიმართება.
პროექტი ითვალისწინებს უსინათლოებისთვის ხმოვანი კომპიუტერული პროგრამის დანერგვას. ახალი პროგრამა წიგნების ციფრულ ვერსიებს ახმოვანებს.
ეროვნულ ბიბლიოთეკაში უკვე რამდენიმე წელია ფუნქციონირებს უსინათლოთა მომსახურების დარბაზი, სადაც ხმოვანი კომპიუტერული პროგრამის მოძველებული ვერსია არსებობს. ახალი პროგრამის დანერგვის მიზანია გააუმჯობესოს უსინათლოთა მომსახურება.
პროექტი დაფინანსებულია ფონდ "ღია საზოგადოება - საქართველოს" მიერ.
