დღეს, 24 დეკემბერს, 14:00 საათზე, გამოცდების ეროვნული ცენტრის დირექტორი მაია მიმინოშვილი და ცენტრის წარმომადგენლები გურჯაანისა და ყვარელის რაიონის მოსწავლეებსა და პედაგოგებს შეხვდებიან.
შეხვედრის მიზანია მოსწავლეთათვის საატესტატო გამოცდების შესახებ დეტალური ინფორმაციის მიწოდება, პედაგოგები კი დაწყებითი კლასების მასწავლებელთა სასერტიფიკაციო გამოცდებთან დაკავშირებით მიიღებენ ინფორმაციას.
შეხვედრა გურჯაანში (სოფელ გურჯაანის სკოლა) 24 დეკემბერს შედგება, ყვარელში კი (ყვარელის კულტურის სახლი) -25 დეკემბერს. შეხვედრები 14:00 საათისთვისაა დაგეგმილი.
შეხვედრას დაესწრებიან მე-12 კლასის მოსწავლეები, ასევე დაწყებითი კლასების პედაგოგები - 2011 წელს პირველად ტარდება სასერტიფიკაციო გამოცდა დაწყებითი კლასების პედაგოგებისათვის.
2011 წელს მე-12 კლასის მოსწავლეები 8 გამოცდას თავიანთ სკოლებში, კომპიუტერულად, ჩAთ-ის სისტემით ჩააბარებენ. დეკემბერში, საცდელი ტესტირებების შემდეგ, გამოცდების ეროვნული ცენტრის ვებგვერდზე ტესტური დავალებების ნიმუშები განთავსდება.
