მოლდოვის პრეზიდენტი მაია სანდუ კიევში ჩავიდა. 21 ნოემბერს უკრაინა ღირსებისა და თავისუფლების დღეს აღნიშნავს. 2013 წლის ამ დღეს კიევში ევრომაიდნის საპროტესტო გამოსვლები დაიწყო.
მაია სანდუმ უკრაინის პრეზიდენტთან და პირველ ლედისთან ერთად, პატივი მიაგო ღირსების რევოლუციის დროს დაღუპულთა ხსოვნას.
„დღის წესრიგში ევროკავშირში უკრაინისა და მოლდოვის გაწევრიანებასთან დაკავშირებით მომდევნო ნაბიჯების, რეგიონული უსაფრთხოების გაძლიერების, ასევე, ევროკავშირის მიერ ჩვენს ქვეყნებში რეფორმებისა და განვითარების მხარდაჭერის გაგრძელების განხილვაა“, – წერს სანდუ.
