დღეიდან მესტიის ბავშვთა სახლს მეურვეობას ეკონომიკისა და მდგრადი განვითარების სამინისტრო გაუწევს.
აღნიშნულთან დაკავშირებით დღეს მესტიის ბავშვთა სახლი ეკონომიკის მინისტრმა ვერა ქობალიამ მოინახულა და საახალწლოდ ბავშვებს საჩუქრები ჩაუტანა.
მისი თქმით, ეკონომიკის სამინისტრო ბავშვებს საყოფაცხოვრებო პრობლემებს მოუგვარებს. ასევე, დაგეგმილია შენობის რეაბილიტაციაც.
აღსანიშნავია, რომ სამინისტრო ბავშვთა სახლის 18 წლის ასაკის ბენეფიციარების განათლებასა და დასაქმებაზეც იზრუნებს.
საქართველოს შრომის, ჯანმრთელობისა და სოციალური დაცვის სამინისტროს ინფორმაციით, მესტიის ბავშვთა სახლი რთულ მდგომარეობაში იმყოფება. სახლში ამ დროისთვის 26 ბავშვი ცხოვრობს.
