ხვალ, 23 დეკემბერს, 12.00 საათზე, საქართველოში ელექტრონული კომერციის განვითარების ხელშეწყობის მიზნით მიმდინარე წლის საქართველოს ეკონომიკისა და მდგრადი განვითარების სამინისტროს კავშირგაბმულობის საინფორმაციო ტექნოლოგიებისა და ინოვაციების დეპარტამენტის ინიციატივით გაიმართება საჯარო მსჯელობა ქვეყანაში ელექტრონული კომერციის განვითარების პერსპექტივების და ამოცანების შესახებ.
შეხვედრაში მონაწილეობას იღებენ დაინტერესებული სამინისტროების, სამთავრობო უწყებების, ბანკების, ინტერნეტ მაღაზიების წარმომადგენლები.
ღონისძიების ფარგლებში ჩამოყალიბებული იქნება ის ძირითადი პრობლემები, რომლებიც გარკვეულ წილად აფერხებს ელექტრონული კომერციის განვითარებას საქართველოში, ასევე განსაზღვრული იქნება კოორდინირებული ქმედებების ნუსხა მათ შორის საკანონმდებლო დონეზე ქვეყანაში ლოკალურ და გლობალურ ბაზარზე ორიენტირებული ელექტრონული კომერციის განვითარებისათვის.
