პრობაციის ეროვნული სააგენტოს თბილისის ბიუროს ტექნიკურად აღჭურვის პროცესი დასრულდა.
ბოლო ეტაპზე, სასჯელაღსრულების, პრობაციისა და იურიდიული დახმარების საკითხთა მინისტრმა ხათუნა კალმახელიძემ ბიუროს ჩჰევროლეტ-ის მარკის ახალი ავტომანქანები გადასცა.
მინისტრის თქმით, ახალი სატრანსპორტო საშუალებების გამოყენება კიდევ უფრო შეუწყობს ხელს ბიუროს ეფექტურად და მობილურად ფუნქციონირებას.
პრობაციის თბილისის ბიუროში, რომელსაც სრული რეკონსტრუქცია ჩაუტარდა, დანერგილია პრობაციონერთა აღრიცხვის თანამედროვე ტექნოლოგია, კონკურსის შედეგად შერჩეულია კადრები, რომლებმაც სპეციალური სასწავლო კურსი გაიარეს.
თბილისის ბიუროში არასრულწლოვანთა რესოციალიზაციისათვის სოციალური მუშაკები და ფსიქოლოგი მუშაობენ. ოფისში აქტიურად მიმდინარეობს პირობით მსჯავრდებულებთან ინდივიდუალური მიდგომის მეთოდოლოგიის დანერგვის პროცესი და სარეაბილიტაციო პროგრამები.
