სახალხო დამცვლი ხონის #13 სასჯელაღრსულების დაწესებულების ლიკვიდაციას ითხოვს.
ამის შესახებ ნათქვამია ომბუცმნის სპეციალური პრევენციული ჯგუფის დასკვნაში, რომელმაც იმერეთის რეგიონის სასჯელაღსრულების დაწესებულების მონიტორინგი განახორციელა.
მათი ინფორმაციით, ხონის #13 დაწესებულების, მონიტორინგის დროს გაირკვა, რომ იქ განთავსებულ მსჯავრდებულებს მოპყრობის თვალსაზრისით პრეტენზია არ გამოუთქვამთ.
"დაწესებულებაში განთავსებული იყო 151 მსჯავრდებული. ადმინისტრაციის გადმოცემით, აღნიშნულ დაწესებულებაში 2010 წლის აპრილის თვის შემდგომ ახალი პატიმრები აღარ მიუღიათ. აღსანიშნავია, რომ მოძველებული ინფრასტრუქტურის გამო დაწესებულებაში მძიმე საყოფაცხოვრებო პირობებია. სახალხო დამცველის არაერთ ანგარიშშია აღნიშნული, რომ ხონის დაწესებულება სრულიად ამორტიზებულია, შეუძლებელია მისი გარემონტება, რის გამოც უნდა მოხდეს დაწესებულების ლიკვიდაცია", - ნათქვამია დასკვნაში.
მათივე ინფორმაციით, აღნიშნულ დაწესებულებაში ამანათით დაშვებულია მხოლოდ მინერალური წყლის. ვაშლის, თეთრეულის და ტანსაცმლის შეგზავნა.
ასევე, როგორც გეგუთის, ისე ხონის დაწესებულებისთვის სერიოზულ პრობლემას წარმოადგენს მისასვლელი გზა.
"გზის საფარი იმდენად უვარგისია, რომ მძიმე ავადმყოფის ტრანსპორტირებისას დამატებითი საფრთხე ექმნება მის სიცოცხლეს", - აცხადებენ ჯგუფის წევრები.
