ჰააგის სასამართლომ საქართველოს პრეზიდენტის წინააღმდეგ "ლეიბორისტული პარტიის" სარჩელის საფუძველზე საქმის მოკვლევა დაიწყო. ამის შესახებ პარტიის ოფისში გამართულ პრესკონფერენციაზე "ლეიბორისტების" ერთ-ერთმა ლიდერმა კახა ძაგანიამ განაცხადა.
"2010 წლის 5 ოქტომბერს ჰააგის სასამართლოში საქართველოს პრეზიდენტის წინააღმდეგ სარჩელი შევიტანეთ, რომელზედაც პასუხი ჰააგიდან გასულ კვირას მივიღეთ. წერილში წერია, რომ საქმეზე წინასწარი მოკვლევა დაიწყო", - აცხადებს ძაგანია.
"ლეიბორისტული პარტიის" სარჩელი საქართველოს პრეზიდენტის წინააღმდეგ 25 ბრალდებისგან შედგება. როგორც პარტიის წევრები ამბობენ, თითოეულ ბრალდებას, კომპრომატების სახით, წერილობით, აუდიო- და ვიდეომასალები ახლავს.
