აჭარის უმაღლესი საბჭოს ფრაქცია ,,ქრისტიან-დემოკრატების" წევრები გერმანიის ფედერაციულ რესპუბლიკაში ოფიციალური ვიზიტით იმყოფებოდნენ. დეპუტატები ბრანდენბურგში, ადგილობრივი ლანდთაგის ფრაქცია ,,ქრისტიან-დემოკრატებმა" მიიწვიეს.
ნიაზ ზოსიძე, ნუგზარ ფუტკარაძე და ზაზა შაშიკაძე 11-17 დეკემბერს უმრავლესობის და ოპოზიციური ფრაქციების წევრებს, სხვადასხვა კომიტეტის წარმომადგენლებს შეხვდნენ.
აჭარის დეპუტაცია ბრანდენბურგის მიწის 2011 წლის ბიუჯეტის განხილვას დაესწრო. ბრანდენბურგის მიწის მოსახლეობა დაახლოებით 3.5 მილიონს შეადგენს და პარლამენტში 88 დეპუტატია წარმოდგენილი.
შეხვედრების დროს მხარეებმა ადგილობრივი თვითმმართველობის მუშაობის თავისებურებანი და ბიუჯეტის შედგენის სპეციფიკა განიხილეს. ქართველმა „ქრისტიან-დემოკრატებმა" მასპინძლები საპასუხო ვიზიტით აჭარაში მოიწვიეს.
