კოსოვოში შეიარაღებული პირებსა და პოლიციას შორის შეტაკებისას ერთი ოფიცერი და სამი თავდამსხმელი დაიღუპა. დაშავდა კიდევ სამი პოლიციელი.
სამართალდამცველების ცნობით, დაკავებულია ერთი შეიარაღებული პირი, ასევე ოთხი სხვა ეჭვმიტანილი, რომლებსაც დიდი რაოდენობით იარაღი, საბრძოლო მასალა და სხვადასხვა აღჭურვილობა აღმოუჩინეს.
მანამდე გავრცელდა ინფორმაცია, რომ კოსოვოს ჩრდილოეთ ნაწილში, სოფელ ბანსკაში შეიარაღებული პირები ჯავშანტექნიკით ერთ-ერთ სოფელში შეიჭრნენ, პოლიციას ცეცხლი გაუხსნეს და სერბულ მართლმადიდებლურ მონასტერში გამაგრდნენ.
კოსოვოს პოლიციის ცნობით, თავდასხმაში სულ 30-მდე პირი მონაწილეობდა.
