დღეს, 21 დეკემბერს, საქართველოს პრეზიდენტი მიხეილ სააკაშვილი 43 წლის გახდა.
მიხეილ სააკაშვილი 1967 წლის 21 დეკემბერს თბილისში დაიბადა. კიევის საერთაშორისო ურთიერთობების ინსტიტუტის წარჩინებით დამთავრების შემდეგ, ნიუ-იორკში კოლუმბიის უნივერსიტეტის სტუდენტად ჩაირიცხა ედმუნდ მასკის პროგრამით. 1995 წელს მიიღო მაგისტრის ხარისხი სამართლის განხრით. 1995-1996 წლებში ვაშინგტონში, სწავლობდა ჯორჯ ვაშინგტონის უნივერსიტეტის სამართლის ეროვნული ცენტრის დოქტურანტურაში.
მიხეილ სააკაშვილმა პოლიტიკური მოღვაწეობა 1995 წლიდან დაიწყო. იყო პარლამენტის წევრი, იუსტიციის მინიტრი, თბილისის საკრებულოს თავჯდომარე, ევროსაბჭოს საპარლამენტო ასამბლეის ვიცე-პრეზიდენტი.
"ვარდების რევოლუციის შემდეგ", 2004 წლის 4 იანვარს, სააკაშვილი პრეზიდენტად აირჩიეს. 2007 წლის 7 ნოემბრის ცნობილი მოვლენების შემდეგ ის თანამდებობიდან გადადგა და რიგგარეშე საპრეზიდენტო არჩევნები დანიშნა, რომელშიც გაიმარჯვა და ქვეყნის პირველი პირი უკვე მეორე ვადით გახდა (2008 წ. 5 იანვარი).
სად და როგორ აღნიშნავს ქვეყნის პირველი პირი საკუთარ დაბადების დღეს, პრეზიდენტის ადმინისტრაციაში ამ ეტაპზე არ იციან. როგორც "ჯი-ეიჩ-ენს" განუცხადეს, მიხეილ სააკაშვილი იუბილეს, მოკრძალებულად აღნიშნავს, რადგან ზეიმი არ ახასიათებს.