presa.ge-ს ჟურნალისტები ჰოლდინგის ახალ ხელმძღვანელ გიორგი კაპანაძეს უპირისპირდებიან და პროტესტის ნიშნად სამსახურს ტოვებენ.
როგორც პრესა.გე-ს კორესპონდენტებმა დღეს გამართულ სპეციალურ პრესკონფერენციაზე განაცხადეს, კაპანაძემ ჰოლდინგის ხელმძღვანელად დანიშვნის შემდეგ presa.ge -სა და ITV -ის მიმართულები შეცვალა და ის "REAL-TV"-ის დაამსგავსა, სადაც კაპანაძე პრესის მიმომხილველად მუშაობდა.
აღსანიშნავია, რომ "presa.ge"-დან წამოსულმა კორესპონდენტებმა უკვე შექმნეს ახალი ვებ-გვერდი, რომელზეც ისინი საკუთარ მასალებს განათავსებენ. საიტის მისამართია www.presage.tv.
შეგახსენებთ, რომ presa.ge 2007 წელს დაფუძდა, 2008 წელს კი საიტი "კავკასუს ონლაინის" მედიაჯგუფის შემადგენლობაში შევიდა, თუმცა დამფუძნებლებსა და "კავკასუსს" შორის არანაირი იურიდიული დოკუმენტი არ გაფორმებულა და მათ შორის მხოლოდ სიტყვიერი შეთანხმება მოხდა. სწორედ ამიტომ, მას შემდეგ, რაც სანადირაძეს "კავკასუსის" წილის მხოლოდ 30% დარჩა, ჰოლდინგის დირექტორად გიორგი კაპანაძე გადაიყვანეს, რასაც მედიაჯგუფი კატეგორიულად ეწინააღმდეგებოდა.