საქართველოს განათლებისა და მეცნიერების სამინისტროს განათლების ხარისხის განვითარების ეროვნული ცენტრის დირექტორი დავით კერესელიძე და ცენტრის სხვა თანამშრომლები ქ. ქუთაისის № 45 სმენადაქვეითებულ ბავშვთა სკოლას ეწვიავნენ და ბავშვებს ბარბარობის დღესასწაულთან დაკავშირებით ტკბილეული, საყოფაცხოვრებო ტექნიკა, ტელევიზორი, DVD player -ი, მულტფილმების დისკები და სხვა საჩუქრები გადასცეს.
კერესელიძესთან ერთად, ბარბარობა პატარებს დუტა სხირტლაძემ და საბავშვო ჟურნალ "ჯუნიორის" წარმომადგენელმაც მიულოცა, რომელმაც 45-ე სკოლის თითოეულ აღსაზრდელს ჟურნალები დაურიგა.
ქუთაისის 45-ე სკოლაში სულ 40 აღსაზრდელია. განათლების ხარისხის განვითარების ეროვნული ცენტრს სკოლაზე პატრონაჟი აქვს აღებული და მსგავსი აქციები მომავალშიც გაგრძელდება. შემდეგი ვიზიტი საშობაოდ იგეგმება და ცენტრის ხელმძღვანელობა ბავშვებს მათთვის საჭირო სხვა ნივთებით დაასაჩუქრებს.