ტუბერკულოზით დაავადებულ მსჯავრდებულთა სპეციალური დაწესებულების მშენებლობა მომავალ წელს დაიწყება.
ამის შესახებ პარლამენტის დღევანდელ სესიაზე ფინანსთა მინისტრმა კახა ბაინდურაშვილმა განაცხადა.
მისივე განმარტებით, შესაბამისი ტენდერი, ალბათ, "წელსვე მოესწრება".
"ამ დაწესებულების მშენებლობა რაც შეიძლება მალე უნდა დაიწყოს, რომ პენიტენციალურ სისტემაში ტუბერკულოზით დაავადებულთა რიცხვი მკვეთრად შემცირდეს", - დასძინა ბაინდურაშვილმა.
შეგახსენებთ, რომ ფინანსთა მინისტრმა დღეს დეპუტატებს 2011 წლის სახელმწიფო ბიუჯეტის პროექტი ბოლოჯერ წარუდგინა, რის შემდეგაც მას დღესვე კენჭს უყრიან.