დღეს 17, დეკემბერს, არასამთავრობო ორგანიზაცია " ახალგაზრდა ფინანსისტთა და ბიზნესმენთა ასოციაცია - აფბა" ბრიფინგს გამართავს.
როგორც '"ჯი-ეიჩ-ენს" ასოციაციის პრესსამსახურში განუცხადეს, ბრიფინგის თემა დედაქალაქის სატრანსპორტო ინფრასტრუქტურის ("მარშუტკების" ხაზები) რეფორმაა.
კერძოდ, ასოციაციის წარმომადგენელთა ინფორმაციით, "მარშუტკების" ხაზები 5 კომპანიის ხელში გადადის.
"ვინ დგას ახალი მონოპოლიების უკან. 4 000-მდე ადამიანი ეკონომიკური კრიზისის პირობებში ყოველდღიური შემოსავლის წყაროს კარგავს. მგზავრობა კი 1 ლარამდე გაძვირდება",- აცხადებენ ახალგაზრდა ფინანსისტთა და ბიზნესმენთა ასოციაციაში.
აფბა მერიას დებატებში იწვევს, ხოლო ოპოზიციურად თვითწოდებულ საკრებულოს და პრობკავშირებს ქმედითი ნაბიჯების გადადგმისკენ მოუწოდებს.
ბრიფინგი სასტუმროში "ძველი მეტეხი" გაიმართება. (მის: მეტეხის აღმართი #3,). დასაწყისი 14.00 საათზე.
