მოლდოვის საგარეო საქმეთა მინისტრი ნიკუ პოპესკუ საქართველოს ხელისუფლებას მოუწოდებს მიიღოს ზომები მიხეილ სააკაშვილის ჯანმრთელობის დასაცავად. ამის შესახებ ის „ტვიტერში“ წერს.
პოპესკუ საქართველოს ყოფილი პრეზიდენტის, მიხეილ სააკაშვილის პატიმრობას პოლიტიკურ დევნას უწოდებს.
„გამოვხატავ ღრმა შეშფოთებას საქართველოს ყოფილი პრეზიდენტის, მიხეილ სააკაშვილის ჯანმრთელობის გამო. მიუღებელია ვინმეს პოლიტიკური დევნა. მოვუწოდებ საქართველოს ხელისუფლებას, მიიღოს ზომები მისი ჯანმრთელობის დასაცავად და უზრუნველყოს, რომ სამართლიანობა პოლიტიკურ ინტერესებზე მაღლა იყოს“, – წერს ნიკუ პოპესკუ.
