პარტია „დროას“ განცხადება 2021 წლის 5 ივლისს განვითარებულ მოვლენებთან დაკავშირებით განცხადებას ავრცელებს.
როგორდ განცხადებაშია აღნიშნული "ოცნების" ხელისუფლება ლგბტქი ადამიანების უფლებებისა დარღვევით,მათზე ძალადობით გადაფაროს ის ღრმა კრიზისი, რომელიც თავად შექმნა.
„დღეს 5 ივლისია, დღე, რომელმაც ნათლად დაგვანახა ყველა ის პრობლემა და სიმახინჯე, რაც ხელს გვიშლის ვიყოთ ნამდვილი დემოკრატიული, თანამედროვე, ღირსეული სახელმწიფო.
წლებია, „ქართული ოცნების“ ხელისუფლება ყველაფერს აკეთებს იმისთვის, რომ ქვეყანასა და საზოგადოებაში შექმნას სიძულვილზე, დაპირისპირებასა და დაშინებაზე დაფუძნებული სისტემები. რუსული ხელწერაა, როდესაც ღრმა კრიზისში მყოფი ხელისუფლება ცდილობს მისთვის მიუღებელი, განსხვავებული და კრიტიკული ჯგუფების ინსტრუმენტალიზებით პროპაგანდისტული მიზნების მიღწევას. სწორედ ასე ექცევა "ოცნების" ხელისუფლება საქართველოს მოქალაქე ლგბტქი ადამიანებს, ცდილობს მათი უფლებებისა და თავისუფლებების დარღვევით, შეზღუდვით, მათზე ძალადობით გადაფაროს ის ღრმა კრიზისი, რომელიც თავად შექმნა.
ერთი პოლიტიკური პარტიის, უფრო სწორად კი ბიძინა ივანიშვილის ძალაუფლების შენარჩუნების სურვილს ადამიანები ეწირებიან. 2021 წლის 5 ივლისს, ლგბტქი ადამიანებისა და პრაიდის კვირეული წინააღმდეგ, სწორედ ხელისუფლების მიერ ორგანიზებულმა ჯგუფებმა ქუჩაში სასტიკად სცემეს ჟურნალისტებს და შეიწირეს ტელეკომპანია პირველის ოპერატორის, ლექსო ლაშქარავას სიცოცხლე. გარდაცვლილი ლექსოს წინააღმდეგ, „ოცნების“ მიერ აგორებული შავი კამპანია და ის ფაქტი, რომ 2 წლის მერეც გამოუძიებელია მისი საქმე, სწორედ ხელისუფლების დანაშაულზე მიუთითებს.
5 ივლისი გახდა ხელისუფლების მკაფიო განაცხადი, რომ ისინი წაახალისებენ და დააჯილდოებენ ყველას, ვინც მათთვის მიუღებელ ადამიანებსა და ჯგუფებს ღიად და დაუფარავად დაესხმებიან თავს, ფიზიკურად თუ სიტყვიერად. სწორედ ამ უწყვეტი ჯაჭვის ლოგიკური გაგრძელებაა ლევან ბერძენიშვილზე, ზურა ჯაფარიძეზე, მიშა მშვილდაძეზე, საგანმანათლებლო ბანაკებსა თუ ორგანიზაციებზე და წიგნის მაღაზიებზე თავდასხმები.
პარტია „დროა“ ყოველთვის იდგება იმ ადამიანების მხარეს, რომლებსაც სისტემა უსამართლოდ და სასტიკად ებრძვის. 1-8 ივლისი ლგბტქი ადამიანების სიყვარულისა და ღირსების ანუ პრაიდის კვირეულია. შესაბამისად, სრულ თანადგომას ვუცხადებთ ყველას, ვინც აპირებს ამ დღეების სხვადასხვა ფორმით აღნიშვნას. თავისუფლებაზე, სიყვარულზე, ღირსებასა და სიმართლეზე ვერცერთი რეჟიმი ვერ გაიმარჯვებს“, - ნათქვამია განცხადებაში.
