არ შეიძლება იყო ქვეყანა, რომელსაც აქვს მისწრაფება, გახდეს ევროკავშირის წევრი და ხან ევროკავშირის ელჩს ლანძღავდე, ხან ევროპარლამენტარებს, ხან ჩვენს პარტნიორებს და აბრალებდე, რომ მათ ომი უნდათ, - ამის შესახებ საქართველოს პრეზიდენტმა, სალომე ზურაბიშვილმა მედიის წარმომადგენლებთან შეხვედრაზე განაცხადა.
„მეორე გამოწვევა არის მთავრობის, უმრავლესობის, არ ვიცი ბატონი ივანიშვილისგან მოსული გზავნილების თუ არა, მაგრამ ამ რიტორიკის, რომელიც არის სრულიად მიუღებელი. შენ არ შეიძლება იყო ქვეყანა, რომელსაც აქვს მისწრაფება, რომ გახდეს ევროკავშირის წევრი და ყოველ მეორე დღეს ხან ევროკავშირის ელჩს ლანძღავდე, როცა ის ტოვებს ქვეყანას, რაც ასევე ჩვენს ზრდილობასთან და სტუმართმოყვარეობასთან არაფერ კავშირშია და ყოველდღიურად აკრიტიკებდე ხან ევროპარლამენტარებს, ხან თვითონ ჩვენს პარტნიორებს, ხან მათ აბრალებდე, რომ მათ უნდა ომი, რომ ისინი არიან ომის პარტია. ევროკავშირი იმისთვის შეიქმნა, რომ ომი კონტინენტზე აღარა ყოფილიყო იმ ევროპულ ქვეყნებს შორის და მართლაც შეძლო ეს.
მთავარი ბალანსი ამ ერთპიროვნული თუ ერთი ჯგუფის, თუ ერთი პარტიის გავლენის, თუ მთავრობის პრემიერი მართავს, ამას ნაკლები მნიშვნელობა აქვს, მნიშვნელობა აქვს იმას, რომ ინსტიტუტების გაძლიერება ხდებოდეს... ამიტომ უნდა გააძლიერო ინსტიტუტები, ეს უნდა იყოს ჩვენი საერთო ბრძოლა, პარლამენტში, მედია. ყველა ეს ინსტიტუტი არის ჩვენი ქვეყნის მთავარი დაცვა“, - .განაცხადა სალომე ზურაბიშვილმა.
