„ჩვენი პოლიტიკური გუნდის ღირებულება არის სამშობლოს სიყვარული და მისი ღირსეული ევროპული მომავალი. ამ გზაზე არაერთ წარმატებას მივაღწიეთ, რომელიც დაკავშირებულია პრემიერ ღარიბაშვილის და ჩვენი გუნდის საერთო მუხლჩაუხრელ მუშაობასთან ,“- ამის შესახებ განაცხადა დიასპორისა და კავკასიის საკითხთა კომიტეტის თავმჯდომარე, ბექა ოდიშარიამ პარლამენტში პრემიერ-მინისტრის ანგარიშის მოსმენის შემდეგ.
მისი თქმით, „ნაცბოლშევიკებისგან“ იარლიყების მიწებების მცდელობაა.
„ნაციონალებს აქვთ ჟინი ძალაუფლების, აქვთ ჟინი რევანშის. ერთი რამ აკლიათ მხოლოდ - დაიბრუნონ ხელისუფლება და მერე ამ ბინძურ ნარატივს, რომელიც მათი ბოლშევიკური ჭკუით, საფლავს გვითხრის და გვაწებებს სამშობლოს მოღალატეების იარლიყს, დაემატა მათთვის ნაცნობი ერთი ლოზუნგი და ამავე ტრიბუნიდან განაცხადონ „ნულოვანი ტოლერანტობა“. მერე ნახეთ თქვენ სისიხლის კალოები. განვლილი ტკბილ მოგონებად მოგვეჩვენება. ფრთხილად, ეს მძიმე ისტორია არ გავიმეოროთ“,- განაცხადა ბექა ოდიშარიამ.
