ტაბულასა და ამომრჩეველთა განათლების საზოგადოების დამფუძნებელი, თამარ ჩერგოლეიშვილი ეხმიანება თბილისის მერს, კახა კალაძეს, რომელიც მას ოჯახში შევარდნაში ადანაშაულებს და ამბობს, რომ მაკდონალდსის საბავშვო მენიუზე თანდართული ბროშურა, ბავშვებში LGBT პროპაგანდა და სიბინძურეა.
„კახი კალაძე გამომეხმაურა:
1. მე თქვენს ცოლს სახლში არ ვუვარდები - უბრალოდ, თქვენგან განსხვავებით, ბოსტნეულად არ მიმაჩნია და მისი აზრი მაინტერესებს სიბინძურედ მიიჩნევს თუ არა ისიც ელტონ ჯონის ცხოვრების ისტორიას.
2. ამ ქალს, რომელსაც მე აზრს ვეკითხები და თქვენგან განსხვავებით, ბოსტნეულად არ მივიჩნევ, თავისუფლად შეუძლია არ დაგეთანხმოთ - დედებს და მამებს ხომ მოუწოდებთ წინ აღუდგნენ სიბინძურეს?
თქვენი ცოლი დედა არ არის?
მგონი დედაა და მაინტერესებს, აპირებს ქმრის მოწოდება გაითვალისწინოს?
3. თუ ის ადეკვატურ პასუხს გაგვცემს, ცხადია თემა ამოიწურება და დავწერთ, რომ ანუკი არეშიძე გმობს კახი კალაძის ჰომოფობიურ კამპანიას. ეს კარგი პრეცედენტი იქნება.
4. თუ არ გვიპასუხებს, ან გაიზიარებს თქვენს აზრს, უბრალოდ თქვენს
სიტყვებს ვთარგმნით და კონტექსტის და ჰომოსექსუალების საფრთხეების აღწერით - წერილს გავაგზავნით მოდის სახლებში, რომ თავად გადაწყვიტონ რა ფორმით შეაგნებინონ თქვენს ოჯახს, რომ უდანაშაულო ადამიანების ბინძურებად მონათვლა და ძალადობის პროვოცირება - ტეხავს და ცივილიზებულ სამყაროში მიუღებელია
5. რასაც ჩვენ ვაკეთებთ, ეს ყველაფერი არის ლეგიტიმური და დემოკრატიული - უფრო მეტიც, ეს ჩვენი ვალია და ეს ვალი უნდა შევასრულოთ, თუ გვსურს დემოკრატიულ საზოგადოებად შევდგეთ.
6. რაც შეეხება პრიმიტიული “სამ დურაკის” ნაწილს.
ჩემი ქმარი თუ რამეში დამნაშავეა, პროკურატურა თქვენია, სასამართლო თქვენია, 10 წელია დათარეშობთ - ბოკერია არსად გაქცეულა, გვერდზე სადარბაზოში ცხოვრობს.
მე თქვენგან განსხვავებით, ენა არ მაქვს გადმოგდებული და არაფერს გაბრალებთ.
მე თქვენს სიტყვებზე გაკისრებთ პასუხისმგებლობას და თქვენი ცოლის აზრი მაინტერესებს!
ხო, ეს 2008 წლის ახალი წელია - თქვენ წვეულება გამართეთ და დაგვპატიჟეთ სისხლისმსმელები
ანუ ჩვენ თუ ოჯახებს ვაწიოკებდით, თქვენ ოჯახის ამწიოკებლებს სუფრებს უშლიდით.
თქვენს სუფრაზე ვართ აქ.“, - წერს თამარ ჩერგოლეიშვილი.
