“მე არ ვიცი რა უნდა უთხრას საქართველოს პრემიერ-მინისტრმა შარლ მიშელს, რაც გუშინ გააკეთეს დეოლიგარქიზაციის კანონთან დაკავშირებით და როგორ უნდა აუხსნას, რომ ვენეციის კომისიის უარის შემდეგ, ეს კანონი ასე ჩუმად მიიღეს”, - ამის შესახებ განაცხადა “ერთიანი ნაციონალური მოძრაობის” პარლამენტის დეპუტატმა, ანა წითლიძემ.
მისი თქმით, ირაკლი ღარიბაშვილს შარლ მიშელისთვის არაფერი აქვს სათქმელი.
“მე არ ვიცი რა უნდა უთხრას საქართველოს პრემიერ მინისტრმა შარლ მიშელს, რა უნდა უთხრას იმასთან დაკავშირებით, რაც გუშინ გააკეთეს დეოლიგარქიზაციის კანონთან დაკავშირებით გუშინ და როგორ უნდა აუხსნას, რომ ვენეციის კომისიის უარის შემდეგ, ეს კანონი ასე ჩუმად მიიღეს. რა უნდა უთხრას დეპოლარიზაციის შემცირებაზე, როდესაც პოლიტიკური პატიმრები ჰყავს ქვეყანას - საქართველოს მესამე პრეზიდენტი მიხეილ სააკაშვილი და მთავარი არხის დამფუძნებელი ნიკა გვარამია. რა უნდა უთხრას სასამართლო რეფორმასთან დაკავშირებით, რომელიც ასევე 12-პუნქტიანი ვალდებულების ერთ-ერთი პუნქტია და სანქცირებული მოსამართლეები ჰყავს და როდესაც იუსტიციის უმაღლესი საბჭოსთან დაკავშირებით გააკეთეს ის, რაც გააკეთეს, რა უნდა უთხრას საარჩევნო რეფორმასთან დაკავშირებით, რომელიც 12-პუნქტიანი ვალდებულებიდან ასევე ერთ-ერთია და რა საკანონმდებლო ცვლილებები მიიღეს, როდესაც პრეზიდენტს ჩამოართვეს უფლება ცენტრალური საარჩევნო კომისიის არჩევაში მიიღოს მონაწილეობა. რეალურად, საქართველოს პრემიერ მინისტრს არაფერი არ აქვს, საინტერესო იქნება რითი უნდა იმართლოს თავი, როცა ამბობს, რომ დასავლეთს მეორე ფრონტი უნდა, რომ დასავლეთი გვაიძულებს დავაკანონოთ ერთნაირსქესიანთა ქორწინება დავაკანონოთ და ეს არის ყველაზე დიდი პრობლემა, რის გამოც არ გვაძლევენ კანდიდატის სტატუსს. მე არ ვიცი რა ექნება სათქმელი ირაკლი ღარიბაშვილს, მაგრამ ვხვდები რა იქნება ჩვენი საერთაშორისო პარტნიორების კიდევ ერთი ძალიან მკაცრი პასუხი იმის შემდეგ, რაც გააკეთეს განსაკუთრებით გუშინ, როდესაც მიიღეს დეოლიგარქიზაციის შესახებ კანონი. ჩვენი საერთაშორისო პარტნიორები დღემდე გვეუბნებიან, რომ შესაძლებლობის ფანჯარა ღიაა საქართველოსთვის და ეს ხელისუფლება აკეთებს ყველაფერს, რომ ეს ფანჯარა სამუდამოდ დაიხუროს.” - განაცხადა ანა წითლიძემ.
