საქართველოს პრემიერ-მინისტრი ნიკა გილაური კორუფციის წინააღმდეგ ბრძოლის შესახებ "ტრანსფარენს ინტერნეიშენალის" მიერ ჩატარებულ კვლევას ეხმაურება და მას "საქართველოს დიდ წარმატებად აფასებს"
"შეგვიძლია ვთქვათ, რომ საქართველო მსოფლიოს ქვეყნების იმ ათეულშია, სადაც კორუფციის დონე ყველაზე დაბალია. ეს დიდი წარმატებაა და საწინდარი იმისთვის, რომ ეკონომიკური ზრდა და ინვესტიციების მოზიდვა განვაგრძოთ" - განაცხადა პრემიერმა გილაურმა მთავორბის დღევანდელ სხდომაზე.
ამასთან, აღნიშნულ კონტექსტში ქვეყნის მთავრობის ხელმძღვანელი იმასაც განმარტავს, რომ საქართველო ისეთ ქვეყნად ყალიბდება სადაც ინვესტიციების მოსაზიდად და სამუშაო ადგილების შესაქმნელად კარგი გარემოა.
"როცა ვამბობთ, რომ კორუფციას ვებრძვით ეს ნიშნავს ისეთი გარემოს შექმნას, რომელიც ინვესტიციების განსახორციელებლად საუკეთესოა" - დასძინა გილაურმა.
შეგახსენებთ, რომ "ტრანსფარენს ინტერნეიშენალის" კვლევის მიხდევით, საქართველოში კორიუფციის დონე მხოლოდ 3 პროცენტია. მაშინ როცა ევროკავშირის ქვეყნებში ეს მაჩვენებელი 5 პროცენტს უტოლდება. აღნიშნულმა ორგანიზაციამ შესაბამისი კვლევის ფარგლებში 82 ქვეყნის მოქალაქე გამოკითხა.
