„ქართული ოცნების“ ნებისმიერი გამოძიება იქნება ფუჭი და ვერასდროს ვერ გადაწონის იმ პატრიოტიზმს, რომელი პატრიოტიზმითაც იდგა იქ ქართველი ხალხი“, - ამის შესახებ „ერთიანი ნაციონალური მოძრაობის“ რეგიონულმა მდივანმა, გიორგი ბოტკოველმა განაცხადა.
გიორგი ბოტკოველი გამოეხმაურა არჩილ თალაკვაძის განცხადებას, რომ ოპოზიციამ ახალგაზრდები გამოიყენა. მისი თქმით, უნდა გაირკვეს, ვინ წაახალისა ის, რაც პარლამენტთან ხდებოდა და მათ პოლიტიკური პასუხისმგებლობა უნდა აიღონ. გიორგი ბოტკოველის თქმით, „ქართულ ოცნებას“ პოლიტიკური დევნა გადმოღებული აქვს რუსული ხელისუფლებისგან;
„ერთადერთი, რაც ჩვენ ვიცით „ქართული ოცნებისგან“ არის ის, რომ მათ პოლიტიკური დევნა, პოლიტიკური ოპონენტების, გადმოღებული აქვთ რუსული ხელისუფლებისგან. რა თქმა უნდა, დაიწყებენ ვიღაცაზე გამოძიებას, რა თქმა უნდა, შეეცდებიან ვიღაცას ჩირქი მოცხონ, მაგრამ ახლა მთავარი არის ერთი რამე, მათთვის ძნელად წარმოსადგენია ისეთ აქციაზე ყოფნა, როგორიც იყო 7-8 მარტს, სადაც ერთადერთი და მთავარი მოთხოვნა იყო ქვეყნის სიყვარულის, ქვეყნის ევროპული მომავალი და ქვეყნის გადარჩენა. ამიტომ, მათი ნებისმიერი გამოძიება პოლიტიკური იქნება ფუჭი და ვერასდროს ვერ გადაწონის იმ პატრიოტიზმს, რომელი პატრიოტიზმითაც იდგა იქ ქართველი ხალხი“. - განაცხადა გიორგი ბოტკოველმა.
