შეიძლება, ვარკვევდეთ იმას, ვაპატიოთ თუ არა და ციხისთვის არ გავწიროთ ახალგაზრდა, მაგრამ მოვუწონოთ და ვთქვათ ის, რომ მიტინგზე პოლიციელების მიმართ მოლოტოვის კოქტეილის სროლა მოსულა, არასწორია , - ამის შესახებ „გირჩის“ წევრმა, იაგო ხვიჩიამ ლაზარე გრიგორიადისის საქმეზე კომენტარისას განაცხადა.
„შეიძლება, ვარკვევდეთ იმას, ვაპატიოთ თუ არა და ციხისთვის არ გავწიროთ ახალგაზრდა, მაგრამ მოვუწონოთ და ვთქვათ ის, რომ მიტინგზე პოლიციელების მიმართ მოლოტოვის კოქტეილის სროლა მოსულა, არასწორია. მაშინ, ვერავის ვეტყვი, ჩემს მიტინგზე მოვიდეს, რადგან მოლოტოვის სასროლად არავის ვეპატიჟები. შესაბამისად, ჩემი მხარდაჭერა, რომ ვიღაც დაუყონებლივ გამოუშვან, არ მინდა, ისე იყოს გაგებული, თითქოს, „ვაპრავებდე“ მოლოტოვის კოქტეილის სროლას. შეიძლება, ამ ადამიანისთვის პატიებას ვითხოვდეთ, მაგრამ ეს უნდა მოხდეს პატიებით და არა წახალისებით“,- განაცხადა იაგო ხვიჩიამ.
პოლიციამ მარტის საპროტესტო აქციების მონაწილე 21 წლის ლაზარე გრიგორიადისი 29 მარტს დააკავა. გამოძიების განცხადებით, ლაზარე გრიგორიადისმა საპროტესტო აქციაზე პოლიციის თანამშრომლებს ქვები და ე.წ. მოლოტოვის კოქტეილები ესროლა, რის შედეგად, დაზიანება მიიღეს სამართალდამცველებმა. გამოძიების ცნობითვე, ბრალდებულმა ცეცხლი წაუკიდა შინაგან საქმეთა სამინისტროს კუთვნილ ავტომობილს.
31 მარტს მას სასამართლომ წინასწარი პატიმრობა შეუფარდა.
