ევროპარლამენტარი იყოს ჩართული მოძალადეების მხარდამჭერ აქციებში ყოვლად გაუგონარია, - ამის შესახებ „ქართული ოცნების“ დეპუტატმა მარიამ ლაშხმა ევროპარლამენტარმა ვიოლა ფონ კრამონზე იმედის ეთერში განაცხადა.
“ევროპარლამენტი, რომელიც მოგიწოდებს, ერთი მხრივ, კანონის უზენაესობაზე, მოგიწოდებს დეპოლარიზებაზე, ამის პარალელურად, ევროპარლამენტარი იყოს ჩართული ძალადობის და მოძალადეების მხარდამჭერ აქციებში და განცხადებებში... ჩვენ გვახსოვს გამჭვირვალობასთან დაკავშირებითაც - ერთი მხრივ, შეიძლება, მის ქვეყანაში მხარს უჭერდეს ამას, მაგრამ სხვა ქვეყანაში მაიდანს ამსგავსებდეს... შესაბამისად, ყოვლად მიუღებელი და გაუგონარია“, - განაცხადა ლაშხმა.
1-ელ აპრილს მთავრობის ადმინისტრაციასთან ლაზარე გრიგორიადისის მხარდამჭერი აქცია გაიმართა, რომელსაც დაესწრო ევროპარლამენტარი ვიოლა ფონ კრამონიც.
