ფონ კრამონი მონაწილეობას იღებს საქართველოს წინააღმდეგ შეთქმულებაში, - ამის შესახებ ქართული ოცნების დეპუტატმა, გია ვოლსკიმ ჟურნალისტებთან საუბრისას განაცხადა.
„ვიოლა ფონ კრამონი მთავისი ამ სადისტური მოქმედებების მხარდაჭერით ყველაფერს ხაზს უსვამს. იგი ჩამოვიდა, რათა დისკრედიტაცია მოახდინოს დასავლური პოლიტიკის, რაზეც სალომე ზურაბიშვილი ხმამაღალ განცხადებებს აკეთებდა. და ყველაფერი უკვე ნათელი გახდა. ფაქტიურად, ეს არის სტრატეგია, რომელიც აქციებიდან უნდა გადაიზარდოს ფიზიკურ დაპირისპირებაში და ისეთი სახის სამოქალაქო დაპირისპირებაში, რომელიც აუცილებლად დაკავშირებულია სისხლთან, აუცილებლად დაკავშირებულია ადამიანურ მსხვერპლთან, და ფონ კრამონი არის ერთ-ერთი მათ შორის, ვინც ევროპარლამენტის ტრიბუნიდან ამას უჭერს მხარს.
საქართველოს წინააღმდეგ შეთქმულებაში მონაწილეობას იღებს ფონ კრამონი და ასევე, ის ადამიანები, ვინც ევროპარლამენტში რეზოლუციის შემქმნელები და ლობისტები არიან , რომლებიც ასევე საქართველოს წინააღმდეგ არიან მიმართულები“, - განაცხადა ვოლსკიმ.
ევროპარლამენტარი ვიოლა ფონ კრამონი პირველ აპრილს მთავრობის ადმინისტრაციასთან ლაზარე გრიგორიადისის გათავისუფლების მოთხოვნით გამართულ აქციაზე მივიდა და დაკავებულს სოლიდარობა გამოუცხადა.
