საქართველოს სირცხვილია ხელისუფლება, რომელიც პირდაპირ, ღიად და დაუფარავად თანამშრომლობს რუსეთთან, - ამის შესახებ „სტრატეგია აღმაშენებლის“ ხელმძღვანლმა გიორგი ვაშაძემ განაცხადა.
„ქართველი ხალხის დაცინვა არის პრორუსული ხელისუფლება. ხელისუფლება, რომელიც რუსულ ინტერესებს ატარებს. კობახიძე და ღარიბაშვილი მართლა ქართველი ხალხის დაცინვაა და ამით ივანიშვილი ქართველ ხალხს დასცინის. ამ ადამიანებს გადაწყვეტილებების მიმღებები რომ ჰქვიათ, ეს არის ჩვენი ქვეყნის სირცხვილი. ამ სირცხვილს მალე ჩამოვირეცხავთ“, – განაცხადა გიორგი ვაშაძემ.
მისი თქმით, არ იცის, რას ნიშნავს ნორვეგიის მიერ სააკაშვილისთვის ჯილდოს გადაცემა.
„მე რა ვიცი, რას ნიშნავს. მე გეუბნებით, ამ ქვეყნის სირცხვილი რა არის. საქართველოს სირცხვილია ირაკლი კობახიძე და ირაკლი ღარიბაშვილი. საქართველოს სირცხვილია, რომ გვყავს ხელისუფლება, რომელიც პირდაპირ, ღიად და დაუფარავად თანამშრომლობს რუსეთთან. საქართველოს სირცხვილია, რომ ძალაუფლებაში გვყავს ხალხი, რომელიც ხალხის ნებას აყალბებს და საქართველოს კონსტიტუციას არღვევს. საქართველოს მთავარი სირცხვილია ოლიგარქი ივანიშვილი, რომელმაც თავზე მოგვასვა თავისი მომსახურე პერსონალი პოლიტიკურ თანამდებობებზე“, – აღნიშნა გიორგი ვაშაძემ.
