ნატო-მ საშიში და უპასუხისმგებლო ბირთვული რიტორიკა უწოდა პრეზიდენტ ვლადიმირ პუტინის განცხადებას, რომ რუსეთი ბელარუსში ტაქტიკურ ბირთვულ იარაღს განათავსებს. ამის შესახებ სააგენტო Reuters იუწყება.
„ნატო იჩენს სიფრთხილეს და ყურადღებით აკვირდება ვითარებას. ჩვენ ვერ ვხედავთ რაიმე ცვლილებას, რომელიც ჩვენი სტრატეგიული ბირთვული პოზიციის კორექტირების მიზეზი გახდებოდა”, - განაცხადა ალიანსის წარმომადგენელმა.
ალიანსში აცხადებენ, რომ პუტინის განმარტება, რომ რუსეთი ბირთვულ იარაღს ბელარუსში განათავსებს, რადგან ნატო-ს ქვეყნები ასევე განალაგებენ მას თავიანთ ტერიტორიაზე, სრულიად გაურკვეველია. „ნატოელი მოკავშირეები მოქმედებენ საერთაშორისო ვალდებულებების სრული დაცვით. რუსეთმა თანმიმდევრულად დაარღვია ვალდებულებები შეიარაღების კონტროლთან დაკავშირებით, როდესაც ცოტა ხნის წინ სტრატეგიული შეიარაღების შეთანხმებაში მონაწილეობა შეაჩერა“, - განაცხადა ნატო-ს წარმომადგენელმა.