ესპანეთში, არაგონისა და ვალენსიის ავტონომიური თემების რამდენიმე ქალაქში, 1500 ადამიანი იძულებული გახდა თავიანთი საცხოვრებელი სახლები დაეტოვებინათ მასშტაბური ტყის ხანძრებიის გამო. რეგიონში უკვე სამი დღეა მძვინვარე ხანძრების ჩაქრობა ვერ ხერხდება. ადგილობრივი საგანგებო სამსახურის ინფორმაციით, 23 მარტის შემდეგ ხანძრამა 4 000 ჰექტარი მოიცვა, რაც დაახლოებით 5 500 საფეხბურთო მოედნის ტერიტორიას უდრის.
ხანძრის კერა ვალენსიის ადმინისტრაციული ცენრტრიდან 90 კმ-ში მდებარეობს. იმის მიუხედავად, რომ ცეცხლის ჩაქრობის ოპერაციაში ჩართულია 20 ერთული ავიაცია, ვითარების სტაბილიზაცია ვერ ხერხდება. ავტონომიური თემის ხელმძღვანელის ჰაოკინ პუიგის განცხადებით, ცეცხლის გავრცელებას ხელს უწყობს უჩვეულოდ მაღალი ტემპერატურა, რომელიც რეგიონში ზაფხულის პერიოდის ცხელ ამინდს უტოლდება.
ცეცხლის გაჩენის მიზეზი უცნობია. ხელისუფლება ეჭვობს, რომ ხანძარი არასწორად შესრულებული სასოფლო-სამეურნეო დაწვის სამუშაოების გამო გაჩნდა. ცეცხლის გავრცელებას ასევე ხელი შეუწყო ატმოსფეროში ტენიანობის ნაკლებობამ, რაც ბოლო თვეებში შეიმჩნევა, რომელმაც ხე-მცენარეების გამოშრობა გამოიწვია.