თურქეთის და რუსეთის პრეზიდენტებმა უკრაინის საკითხზე ისაუბრეს.
ერდოღანმა განაცხადა, რომ თურქეთი დიდ მნიშვნელობას ანიჭებს რუსეთსა და უკრაინას შორის კონფლიქტის რაც შეიძლება სწრაფად დასრულებას მოლაპარაკებების გზით.
თურქეთის პრეზიდენტის კომუნიკაციების დირექტორატის ინფორმაციით, რეჯეფ თაიფ ერდოღანმა სატელეფონო საუბრისას ვლადიმერ პუტინს შავი ზღვის მარცვლეულის ინიციატივის ხელახლა გასახანგრძლივებლად მისი პოზიტიური დამოკიდებულებისთვის მადლობა გადაუხადა.
ერდოღანმა და პუტინმა ასევე განიხილეს „თურქეთ-რუსეთის ურთიერთობების გაძლიერების ნაბიჯები. თურქეთის პრეზიდენტის განცხადებით, ორ ქვეყანას შეუძლია ახალი ნაბიჯების გადადგმა სოჭში შეთანხმებული ეკონომიკური თანამშრომლობის საფუძველზე.
თურქეთმა, გაერომ, რუსეთმა და უკრაინამ გასული წლის ივლისში, სტამბოლში ხელი მოაწერეს შეთანხმებას მარცვლეულის ექსპორტის აღდგენის შესახებ უკრაინის სამი პორტიდან, რომლებიც დაბლოკილი იყო ომის დაწყების შემდეგ.