ნატო-ს გენერალური მდივანი იენს სტოლტენბერგი არ გამორიცხავს, რომ მოკავშირეები უკრაინაში გამანადგურებლების გაგზავნის გადაწყვეტილებას მიიღებენ. ამის შესახებ იუწყება Guardian.
ნატო-ს გენერალური მდივანი ამბობს, რომ ალიანსის წევრი ქვეყნები უკრაინას F-16 ტიპის ან სხვა დასავლურ თვითმფრინავებს გაუგზავნის, თებერვალში პრეზიდენტ ვოლოდიმირ ზელენსკის ემოციური მოწოდების შემდეგ -“ჩვენ გვაქვს თავისუფლება, მოგვეცით ფრთები მის დასაცავად“.
„ჩვენ უნდა გავაგრძელოთ მეტი შესაძლებლობების საჭიროების განხილვა“, - თქვა სტოლტენბერგმა.
მიმდინარე თვეში პოლონეთი და სლოვაკეთი შეთანხმდნენ უკრაინას გადასცენ მიგ 29 ტიპის 17 საბჭოთა გამანადგურებლი.
ასევე ცნობილი გახდა, რომ საფრანგეთში უკვე თვენახევარია უკრაინელი პილოტები გადიან წვრთნას Mirage 2000 ტიპის მრავალფუნქციურ გამანადგურებლებზე.