შვედეთის პარლამენტმა ხმათა უმრავლესობით მხარი დაუჭირა ნატო-ში ქვეყნის გაწევრიანებას.
კენჭისყრაში მონაწილეობა მიიღო 269 დეპუტატმა. 37-მა წინააღმდეგ მისცა ხმა, 43 პარლამენტარი კენჭისყრაში არ მონაწილეობდა.
ქვეყნის საგარეო საქმეთა მინისტრმა, ტობიას ბილსტრომმა სიტყვით გამოსვლისას აღნიშნა, რომ ნატო-ს წევრობა საუკეთესო საშუალებაა შვედეთის უსაფრთხოების უზრუნველსაყოფად.
შვედეთმა ნატო-ში გაწევრიანების გადაწყვეტილება 2022 წლის მაისში, უკრაინაში რუსეთის მიერ დაწყებული ომის ფონზე მიიღო.
ამჟამად, ნატო-ს წევრი ქვეყნების საკანონმდებლო ორგანოებში შვედეთის გაწევრიანების საკითხის რატიფიცირების პროცესი მიმდინარეობს.