სისხლის სამართლის საერთაშორისო სასამართლოს მთავარმა პროკურორმა განაცხადა, რომ რუსეთი არამხოლოდ უკრაინელი ბავშვების დეპორტაციას ახორციელებს, არამედ მათ, როგორც „სამხედრო ნადავლს“ ისე ეპყრობა. კარიმ ხანის კომენატრს СNN ავრცელებს.
„თქვენ უნდა იზრუნოთ მათზე (უკრაინელ ბავშვებზე}. თუ ისინი უსაფრთხოდ არ არიან, უნდა გადაიყვანოთ უკრაინის უსაფრთხო ნაწილზე. თუ ეს შეუძლებელია - უნდა გადაიყვანოთ ნეიტრალურ მესამე ქვეყანაში. ის, რასაც ჩვენ ვხედავთ - ეს მხოლოდ დეპორტაცია არ არის, რუსეთში მათ ხვდებიან უცხო ადამიანები, რომლებიც მოულოდნელად მათი მიმღები მშობლები ხდებიან. ბაშვები არ არიან საკუთრება ამ სამხედრო ნადავლი“, - განაცხადა კარიმ ხანმა.
პროკურორს აზრით, რუსეთი არა თუ უარყოფს მის მიმართ წაყენებულ ბრალდებას, არამედ მას „ატარებს პატივისცემის ნიშნად“.
კარიმ ხანმა ასევე აღნიშნა, რომ სისხლის სამართლის საერთაშორისი სასამართლომ მიმართა რუსეთს, მაგრამ მისგან პასუხი არ მიუღია.
17 მარტს სისხლის სამართლის საერთაშორისო სასამართლომ ვლადიმირ პუტინის დაკავების ორდერი გასცა.
სისხლის სამართლის საერთაშორისო სასამართლოს მოსამართლეების გადაწყვეტილებით, რუსეთის პრეზიდენტი უკრაინაში ომის დანაშაულების ჩადენაშია ეჭვმიტანილი.
როგორც სასამართლოს განცხადებაშია ნათქვამი, რუსეთის პრეზიდენტი, „სავარაუდოდ, არის პასუხისმგებელი ომის დანაშაულზე, მოსახლეობის (ბავშვების) უკანონო დეპორტაციაზე და მოსახლეობის (ბავშვების) უკანონო გადაყვანაზე უკრაინის ოკუპირებული ტერიტორიებიდან რუსეთის ფედერაციაში“.
სასამართლომ, ასევე ბავშვთა უფლებების საკითხებში რუსეთის კომისრის, მარია ალექსეევნა ლვოვა-ბელოვას დაპატიმრების ორდერიც გასცა.
