რუსეთის პრეზიდენტმა ვლადიმირ პუტინმა განაცხადა, რომ ჩინეთის მიერ შთავაზებული „სამშვიდობო“ გეგმა“ შესაძლოა უკრაინაში ომის დარეგულირების საფუძველი გახდეს.
ჩინეთის ლიდერთან სი ძინპინთან შეხვედრის შემაჯამებელ პრესკონფერენციაზე პუტინმა აღნიშნა, რომ მხარეებმა განიხილეს უკრაინაში მიმდინარე ომი, მისი თქმით, ჩინეთის წინადადებები ომის დასრულებასთან დაკავშირებით რუსეთისთვის მისაღებია.
"ჩინეთის მიერ შემოთავაზებული სამშვიდობო გეგმის ბევრი პუნქტი შეესაბამება რუსთის მიდგომებს და შესაძლოა, გახდეს კონფლიქტის დარეგულიების საფუძველი, როდესაც ამისთვის მზად იქნებიან დასავლეთი და კიევი, თუმცა ასეთი მზადყოფნა მათი მხრიდან არ შეინიშნება“, - განაცხადა პუტინმა.
პუტინის თქმით, ჩინეთი რუსეთისთვის ნომერ პირველი პარტნიორია.
ამასთან, მისივე თქმით, ორი ქვეყანა განავითარებს ურთიერთობებს ფინანსურ, სატრანსპორტო, ლოჯისტიკურ და ენერგეტიკულ სფეროებში. პუტინის განცხადებით, ჩინეთი ამჟამად რუსული ნავთობის უმსხვილესი იმპორტიორია.