უკრაინაში ვიზიტად მყოფი იაპონიის პრემიერ-მინისტრი ფუმიო კისიდა, ბუჩაში ჩავიდა. იუწყება Reuters
„მსოფლიო შეძრა ერთი წლის წინ უდანაშულო მშვიდობიანი მოსახლობის ხოცვა-ჟლეტამ. ძლიერ ბრაზს ვგრძნობ ამ სიმხეცის გამო, რომელიც აქ ვახე“, - თქვა იაპონიის პრემიერმა.
ფუმიო კისიდა კიევში დღეს, 21 მარტს ჩავიდა. კისიდა უკრაინის პრეზიდენტმა ვოლოდიმირ ზელენსკიმ მიიწვია. კისიდა ზელნსკისთან შეხვედრას გამართავს.
როგორც მოსალოდნელია, ზელენსკი და კისიდა ისაუბრებენ იაპონიის დახმარებაზე ომის შემდგომ უკრაინის აღდგენასთან დაკავშირებით. „პრემიერ-მინისტრი კისიდა ზელენსკისთან პატივისცემას გამოხატავს სამშობლოს დასაცავად მებრძოლი უკრაინელი ხალხის სიმამაცისა და სიმტკიცისთვის“, - ნათქვამია იაპონიის საგარეო საქმეთა სამინისტროს განცხადებაში.
კიევიდან იაპონიის ლიდერი პოლონეთში გაემგზავრება.