რუსეთმა 2014 წელს უკრაინაში სრულმასშტაბიანი ომი მხოლოდ იმიტომ არ დაიწყო, რომ მაშინ მისი არმია მზად არ აყო ასეთი მასშტაბის აგრესიისთვის. ამის შესახებ რუსმა დიქტატორმა ვლადიმირ პუტინმა განაცხადა.
კრემლი სრულმასშტაბიანი ომისთვის მთელი რვა წელი ემზადებოდა.
„ჩვენ მაშინ არ გქვონდა ჰიპერბგერითი იარაღი, ახლა კი გვაქვს. ასევე გვაქვს სხვა თანამედროვე სისტემებიც, 2014 წელს კი მსგავსი არაფერი გაგვაჩნდა“, - უპასუხა პუტინმა თავის პროპაგანდისტებს შეკითხვაზე, თუ რატომ არ დაიწყო ომი რუსეთმა 2014 წელს.
პუტინმა ასევე განაცხადა, რომ რუსეთის ეკონომიკა არ იყო მზად დასავლეთის სანქციებისადმი, 2014 წლის შემდეგ კი რუსეთმა შეძლო იმპორტის ჩანაცვლება და ფინანსური მდგომარეობის გამყარება.
საგულისხმოა, რომ ფრანგი ანალიტიკოსების მონაცემებით, რუსეთმა ერთი წლის განმავლობაში დასავლეთის სანქციების გამო ნავთობისა და გაზის შემოსავლების ნახევარი დაკარგა, აღსანიშნავია, რომ ექსპორტის ფიზიკური მოცულობა დაახლოებით იგივე დონეზე დარჩა.
ეს ყველაფერი აისახება რუსეთის შესაძლებლობაზე დააფინანსოს სამხედრო აგრესია უკრაინის წინააღმდეგ. მიმდინარე წლის სულ რაღაც ორ თვეში რუსეთის მთავრობამ სრულად დახარჯა მთელი წლის განმავლობაში გათვალისწინებული ბიუჯეტის დეფიციტის ლიმიტები.
ამასთან, დასავლეთი უკვე ცხადად აგრძნობინებს რუსეთის ელიტას, რომ სანქციები არ მოიხსნება, ვიდრე პუტინს ჰააგის ტრიბუნალს არ გადასცემენ.