აშშ-ის ყოფილმა პრეზიდენტმა დონალდ ტრამპმა განაცხადა, რომ სამშაბათს მის დაპატიმრებას აპირებენ, ქალებისთვის დუმილის სანაცვლოდ ფულის გადახდის საქმეზე, რომლებიც ამტკიცებდნენ, რომ სექსუალური ურთიერთობა ჰქონდათ აშშ-ის ყოფილ პრეზიდენტთან.
ამის შესახებ Associated Press იუწყება.
ტრამპმა სოციალურ ქსელში გამოაქვეყნა განცხადება, რომელშიც ამტკიცებს, რომ მანჰეტენის საოლქო პროკურორის ოფისიდან ინფორმაციის „უკანონო გაჟონვა“ მიუთითებს, რომ „ყველაზე გამორჩეული კანდიდატი რესპუბლიკური პარტიიდან და შეერთებული შტატების ყოფილი პრეზიდენტი დაპატიმრებული იქნება მომავლ კვირაში, სამშაბთს“.
ამასთან, ტრამპმა თავის მომხრეებს საპროტესტო გამოსვლებისკენ მოუწოდა.
ნიუ-იორკში სამართალდამცავები ატარებენ უსაფრთხოების მოსამზადებელ ზომებს იმ შემთხვევაში, თუ ტრამპს ბრალს წაუყენებენ.
ჯერჯერობით საჯაროდ არ გამოცხადებულა ნაფიც მსაჯულთა სასამართლოს მიერ საქმის განხილვის ვადები.
თუმცა, სავსებით სავარაუდოა, რომ აღნიშნული საქმე გახდეს აშშ-ის ისტორიაში პირველი შემთხვევა, როდესაც ექსპრეზიდენტს ბრალს სისხლის სამართლის საქმეზე წაუყენებენ.
