რუსი დიქტატორი ვლადიმირ პუტინი ანექსირებულ ყირიმში ჩავიდა.
სისხლის სამართლის საერთაშორისო სასამართლოს მიერ ძებნილი სამხედრო დამნაშავე ოკუპირებულ სევასტოპოლში ხელოვნების სკოლისა და ბავშვთა ცენტრის სანახავად ჩავიდა.
რუსულ მხარეს ყირმში პუტინის „ვიზიტის“ მიზნები არ დაუსახელებია. სავარაუდოდ, ის უკავშირდება ნახევარკუნძულის ანექსიის 9 წლისთავს.
რუსეთმა ყირიმი 2014 წლის მარტში მიიტაცა. 16 მარტს ოკუპანტებმა ჩაატარეს უკანონო ფსევდორეფერენდუმი ყირიმის რუსეთის ფედრაციაში შესვლის შესახებ, 18 მარტს კი ამ ფსევდორეფერენდუმის „შედეგების“ საფუძველზე უკრაინის ტერიტორია რუსეთის შემადგენელ ნაწილად გამოაცხადეს.
რუსეთის მიერ ყირიმის ანექსია არ უღიარებია არც უკრაინას და არც მსოფლიო საზოგადოებას. მხოლოდ ნიკარაგუამ ოფიციალურად განაცხადა, რომ აღიარებს „რუსეთის შემადგენლობაში ყირიმის გაერთიანებას“. ამის შემდეგ უკრაინამ ნიკარაგუას სანქციები დაუწესა.
