პარიზის ქუჩებში მოქალაქეებმა კვლავ გააპროტესტეს საპენსიო რეფორმა, რასაც პოლიციასთან შეტაკებებიც მოყვა.
მედიის ცნობით, აქციის მონაწილეებმა სამართალდამცველებს სხვადასხვა ნივთი ესროლეს და მანქანები დაწვეს. პოლიციამ დემონსტრანტების წინააღმდეგ ცრემლსადენი გაზი გამოიყენა. დაკავებულია აქციის ათობით მონაწილე.
საპროტესტო აქციები პარიზის გარდა კიდევ რამდენიმე ქალაქში გაიმართა.
საფრანგეთის პრეზიდენტმა ემანუელ მაკრონმა ქვეყნის კონსტიტუციაში გაწერილი სპეციალური უფლებამოსილება გამოიყენა, რომლითაც სადავო კანონი პარლამენტში კენჭისყრის გარეშე მიიღეს. ახალი, რეზონანსული კანონის თანახმად, მინიმალური საპენსიო ასაკი საფრანგეთში 62-დან 64 წლამდე გაიზრდება.
