ევროკავშირის საგარეო საქმეთა და უსაფრთხოების პოლიტიკის საკითხებში უმაღლესი წარმომადგენელი, ჯოზეფ ბორელი სისხლის სამართლის საერთაშორისო სასამართლოს მიერ ვლადიმირ პუტინის დაკავების ორდერის გაცემის გადაწყვეტილებას ეხმიანება.
ბორელის თქმით, დაკავების ორდერი რუსეთისა და მისი ლიდერების პასუხისგებაში მიცემის პროცესის მხოლოდ დასაწყისია იმ დანაშაულებისთვის და სისასტიკისთვის, რომლებიც მათ უკრაინაში ჩაიდინეს.
"ეს არის საერთაშორისო მართლმსაჯულების და უკრაინელი ხალხისთვის მნიშვნელოვანი გადაწყვეტილება. ყოველთვის მკაფიოდ ვამბობდით, რომ უკრაინის წინააღმდეგ განხორციელებულ უკანონო აგრესიაზე პასუხისმგებელი პირები უნდა დაისაჯონ”, - განაცხადა ბორელმა.