ვლადიმირ პუტინისა და მარია ლვოვა ბელოვას დაპატიმრება შესაძლებელია იმ ქვეყნების ტერიტორიაზე, რომლებმაც მოახდინეს რომის სტატუტის რატიფიცირება. ამის შესახებ უკრაინის პრზეიდენტის ოფისის ხემზრვანლი ანდრეი ერმაკი წერს.
„სისხლის სამართლის საერთაშორისო სასამართლომ რუსეთის ფედერაციის პრეზიდენტის, ვლადიმერ პუტინისა და რუსეთის ბავშვთა უფლებების კომისრის, მარია ლვოვა-ბელოვას დაკავების ორდერი გასცა.
ისინი ეჭვმიტანილები არიან უკრაინელი ბავშვების უკანონო იძულებით გადასახლებაში. ეს ნიშნავს, რომ მათი დაპატიმრება შესაძლებელია იმ ქვეყნების ტერიტორიაზე, რომლებმაც მოახდინეს რომის სტატუტის რატიფიცირება.
შეგახსენებთ, რომ უკრაინა გამუდმებით თანამშრომლობს სისხლის სამართლის საერთაშორისო სასამართლოსთან. ასევე მუშაობს უკრაინის პრეზიდენტთან არსებული ბავშვთა დაცვისა და უსაფრთხოების საკოორდინაციო საბჭო, რომლის ამოცანაა შეაჩეროს უკრაინიდან ბავშვების იძულებითი გადაყვანა ან დეპორტაცია რუსეთის ფედერაციაში და ოჯახების დაბრუნება და გაერთიანება ინტერესების შესაბამისად.
უკრაინაში გამოძიების პროცესში ბავშვების იძულებითი დეპორტაციის 16000-ზე მეტი შემთხვევა დაფიქსირდა. რეალური რიცხვი შეიძლება ბევრჯერ მეტი იყოს. ამ დროისთვის დაბრუნებულია 308 ბავშვი. საკმაოდ რთული პროცესია, მაგრამ ჩვენ ამაზე ვმუშაობთ“, - წერს ერმაკი.
