სისხლის სამართლის საერთაშორისო სასამართლოს გადაწყვეტილება რუსეთის პრეზიდენტის ვლადიმირ პუტინის დაპატიმრების ორდერის გამოცემასთან დაკავშირებით მიუღებელია, რუსეთი არ აღიარებს მის იურისდიქციას, მისი ნებისმიერი გადაწყვეტილება კი კანონის თვალსაზრისით, ბათილია. ამის შესახებ რუსეთის პრეზიდენტის პრესსპიკერმა დმიტრი პესკოვმა ჟურნალისტებთან საუბრისას განაცხადა.
„საკითხის ფორმულირება აღმაშფოთებელი და მიუღებელია. რუსეთი, ისევე როგორც სხვა რიგი სახლემწიფოები არ აღიარებენ ამ სასამართლოს იურისდიქციას და შესაბამისად ნებისმიერ მსგავს გადაწყვეტილებას რუსეთი კანონის თვალსაზრისით ბათილად მიიჩნევს“, - განაცხადა პესკოვმა.
სისხლის სამართლის საერთაშორისო სასამართლომ ვლადიმირ პუტინის დაკავების ორდერი გასცა.
სისხლის სამართლის საერთაშორისო სასამართლოს მოსამართლეების გადაწყვეტილებით, რუსეთის პრეზიდენტი უკრაინაში ომის დანაშაულების ჩადენაშია ეჭვმიტანილი.