საქართველოს ექსპრეზიდენტი, მიხეილ სააკაშვილი აცხადებს, რომ მზად არის, სახალხო დამცველს, ლევან იოსელიანს უახლოეს დღეებში შეხვდეს.
ამის შესახებ მიხეილ სააკაშვილი ფეისბუქზე წერს.
„მზად ვარ, სახალხო დამცველს შევხვდე უახლოეს დღეებში. სასურველია, შაბათ-კვირას. მადლობა გამოთქმული სურვილისთვის“,- აღნიშნულია საქართველოს ყოფილი პრეზიდენტის სტატუსში.
სახალხო დამცველმა, ლევან იოსელიანმა განაცხადა, რომ აპირებს, შეხვდეს კონსილიუმის წევრებს და სურვილის შემთხვევაში, მოინახულებს მიხეილ სააკაშვილს.